Daşkəsən. 27 iyun. REPORT.AZ/ Daşkəsən rayonunda yerli sakin bədbəxt hadisə nəticəsində xəsarət alıb.
"Report"un Qərb bürosunun məlumatına görə, rayonun 1971-ci il təvəllüdlü Muşavaq kənd sakini Hürü Bəxtiyarova inəyi dirəyə bağlamaq istəyən zaman kəndir onun ayağına ilişib və qadın yerə yıxılaraq ağır kəllə-beyin travması alıb.
Qadın yaxınları tərəfindən xəstəxanaya aparılıb. Hazırda onun vəziyyətinin orta-ağır olduğu bildirilir.
Faktla bağlı araşdırma aparılır.