Yuxarı
    Bağlamaq

    ​Dağıstanda qanunsuz nərə balığı daşıyan azərbaycanlı saxlanılıb

    Məhsul Rusiyadan Azərbaycana gedən VAZ-212140 avtomobilinə gömrük baxışı zamanı aşkar edilib

    Bakı. 30 noyabr. REPORT.AZ/ Tahirkənd-Qazmalar beynəlxalq avtomobil buraxılış məntəqəsində Rusiyadan Azərbaycana nərə növündən olan təqribən 20 kq balıq keçirtmək istəyən şəxs saxlanılıb.

    "Report" xəbər verir ki, bu barədə Dağıstanın Gömrük Xidmətinə istinadən RİA "Daqestan" nəşri məlumat yayıb.

    İdarənin məlumatına görə, dondurulmuş balıqlar Qaçaqmalçılığın xüsusi təhlükəli növləri ilə mübarizə şöbəsinin əməkdaşları tərəfindən aşkar edilib.

    "Məhsul Rusiyadan Azərbaycana gedən "VAZ-212140" avtomobilinə gömrük baxışı zamanı aşkar edilib. Dondurulmuş balıq maşının baqaj hissəsində olub. Ümumi çəkisi təqribən 20 kq təşkil edib. Ehtimal ki, balıq nərəkimilərə aiddir" – deyə Gömrük Xidmətindən bildiriblər.

    Qanunsuz daşınan balıq götürülərək ekspertizaya göndərilib. Ekspertizanın nəticəsinə uyğun olaraq cinayət işininqaldırılması məsələsinə baxılacaq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi