Yuxarı
    Bağlamaq

    Dağıstanda Azərbaycan vətəndaşı qanunsuz miqrasiya təşkil etdiyinə görə saxlanılıb

    2014-cü ilin avqustundan 2015-ci ilin iyul ayına qədər 10 əcnəbi vətəndaşın Rusiya ərazisinə qanunsuz girişi təşkil edilib

    Bakı. 12 may. REPORT.AZ/ Dağıstan hüquq-mühafizə orqanları əcnəbi vətəndaşların qeyri-qanuni miqrasiya vasitəsilə Rusiyaya girişini təşkil edən cinayətkar qruplaşma müəyyən edib.

    "Report" Dağıstan KİV-inə istinadən xəbər verir ki, Dağıstan Baş Prokurorluğunun əməkdaşları Mahaçqala Sovet rayon məhkəməsinə Azərbaycan vətəndaşı Rahib Məmmədovla bağlı cinayət işi göndərib. O, qanunsuz miqrasiya təşkili maddəsi ilə cinayət törətməkdə və bilərəkdən saxta sənədlərdən istifadə etməkdə ittiham olunur.

    İstintaq hesab edir ki, R.Məmmədov Azərbaycan vətəndaşlarının Rusiyaya qeyri-qanuni girişini təşkil etmək məqsədilə mütəşəkkil cinayətkar qruplaşma yaradıb və qruplaşmaya Mahaçqala şəhər VVAQ idarəsinin və Rusiya Federal Miqrasiya Xidmətinin Dağıstan üzrə immiqrasiya nəzarəti bölməsinin əməkdaşları daxildir. Saxta sənədlərin notarial təsdiqi onların sahiblərinə sərhəd keçid məntəqələrində ölkəyə girişi təmin edib.

    2014-cü ilin avqustundan 2015-ci ilin iyul ayına qədər qruplaşma üzvləri 10 əcnəbi vətəndaşın Rusiya ərazisinə qanunsuz girişini təşkil edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi