Çörəkbişirmə sexindəki partlayışla bağlı cinayət işi açılıb

Çörəkbişirmə sexindəki partlayışla bağlı cinayət işi açılıb Avqustun 29-u saat 23:50-də Şirvan şəhəri, T.İsmayılov küçəsində yerləşən çörəkbişirmə sexində partlayış baş verməsi nəticəsində 1 nəfər şəxsin ölməsi barədə şəhər prokurorluğuna məlumat daxil olub.
Hadisə
207
30 Avqust , 2021 09:58
Çörəkbişirmə sexindəki partlayışla bağlı cinayət işi açılıb

Prokurorluq Şirvan şəhərində baş vermiş hadisə ilə bağlı məlumat yayıb.

Şəhər prokurorluğundan "Report"a daxil olan məlumatda deyilir:

"Avqustun 29-u saat 23:50-də Şirvan şəhəri, T.İsmayılov küçəsində yerləşən çörəkbişirmə sexində partlayış baş verməsi nəticəsində 1 nəfər şəxsin ölməsi barədə şəhər Prokurorluğuna məlumat daxil olub.

Bu barədə "Report"a Şirvan Şəhər Prokurorluğundan məlumat verilib.

Aparılan araşdırmalarla müəyyən edilib ki, qeyd edilən sexdə qaz sızması səbəbindən baş verən partlayış nəticəsində sexin yaxınlığında quraşdırılan, suyun qızdırılmasını təmin edən dəmir sobanın 60 metr uzaqlıqda olan avtomobilə dəydikdən sonra yaxınlıqda dayanan Zaur Əliyevə dəyib, sonuncu almış olduğu xəsarətlərdən hadisə yerində ölüb.

Faktla bağlı Şirvan Şəhər Prokurorluğunda Cinayət Məcəlləsinin 124.1 (ehtiyatsızlıqdan adam öldürmə) və 187.1-ci (xeyli miqdarda ziyan vurmaqla özgənin əmlakını odla və ya başqa yüksək təhlükə mənbəyi ilə ehtiyatsız davranma üzündən məhv etmə və ya zədələmə) maddələri ilə cinayət işi başlanıb.

Hazırda iş üzrə zəruri istintaq tədbirləri davam etdirilir".

Son xəbərlər

Orphus sistemi