Bakı. 16 dekabr. REPORT.AZ/ Bu gün axşam saatlarında Bakının Yasamal rayonu ərazisində qətl hadisəsi baş verib.
Yasamal rayon Polis İdarəsindən "Report"a verilən məlumata görə, cinayət Abbas Mirzə Şərifzadə küçəsi, 132 ünvanında qeydə alınıb.
Hadisə nəticəsində 1994-cü il təvəllüdlü Məcidov Rəşad Yaşar oğlu bıçaqlanaraq qətlə yetirilib. Cinayətin hansı səbəbdən baş verdiyi məlum deyil. Hadisəni törədən şəxs axtarılır.