Bakı. 4 oktyabr. REPORT.AZ/ Rusiyanın Çelyabinsk şəhərində cinayət-axtarış şöbəsinin əməliyyatçıları həmyerlisini - kikboksinq üzrə dünya çempionu Ramil Canıyevi qətlə yetirməkdə şübhəli bilinən azərbaycanlı Eldəniz Bağırovu saxlayıb.
"Report" Rusiya KİV-inə istinadən xəbər verir ki, Troitskdə yaşayan E.Bağırov oktyabrın 3-də saxlanılıb. O, hazırda müvəqqəti saxlanma təcridxanasına yerləşdirilib.
Xatırladaq ki, kikboksinq üzrə dünya çempionu olan Ramil Canıyev sentyabrın 8-də evinin qarşısında silahdan açılan atəşlə qətlə yetirilib.