Cəlilabad. 17 aprel. REPORT.AZ/ Cəlilabad rayonunda oğurluq hadisəsi baş verib.
"Report"un Cənub bürosunun verdiyi məlumata görə, hadisə rayonun Əhməd Cavad küçəsi, ev 4 ünvanında qeydə alınıb.
Oğrular Nənəxanım Kazımovaya məxsus evin qapısını sındıraraq oradan 10 ədəd xalça, paltaryuyan maşın, qab-qacaq, noutbuk, geyim oğurlayıblar.
Cəlilabad Rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən şəxslərdən biri - şəhər sakini Toğrul Bayramov saxlanılıb.
Faktla bağlı araşdırma aparılır.