Cəlilabadda yol qəzası olub, xəsarət alanlar var

Cəlilabad rayonunda ağır yol qəzası baş verib.

"Report"un Muğan bürosunun məlumatına görə, hadisə Cəngan kəndində qeydə alınıb.

Avtomobil qəzası nəticəsində rayonun 3 sakini - 1997-ci il təvəllüdlü Abdullayev Şahmar Aqil oğlu, 1986-cı il təvəllüdlü Abdullayeva Ramilə Allahverdi qızı və 1971-ci il təvəllüdlü Məlikova Nisə Ağasaleh qızı müxtəlif xəsarətlər alıblar.

Yaralılar Cəlilabad Rayon Mərkəzi Xəstəxanasına aparılıb.

Faktla bağlı araşdırma aparılır.