Cəlilabadda yol qəzası baş verib, xəsarət alan var

Cəlilabad rayonunda yol qəzası baş verib.

"Report"un Muğan bürosunun məlumatına görə, hadisə rayonun Fətullaqışlaq kəndində qeydə alınıb.

Yol qəzası nəticəsində həmin kəndin sakini, 1965-ci il təvəllüdlü Rahilə Hüseyn qızı Əliyeva müxtəlif dərəcəli bədən xəsarəti alıb. Yaralıya xəstəxanada müvafiq tibbi yardım göstərilib.

Faktla bağlı araşdırma aparılır.