Cəlilabadda 15 yaşlı gənc bədbəxt hadisənin qurbanı olub

Cəlilabad. 9 iyul. REPORT.AZ/ Cəlilabad rayonunda 15 yaşlı gənc bədbəxt hadisə nəticəsində ölüb.

"Report"un Aran bürosu xəbər verir ki, hadisə rayon ərazisində baş verib.

Belə ki, 2002-ci il təvəllüdlü Səfərov Fərid evlərinin çardağında iş görərkən dəmir borulardan biri onun üzərinə aşıb. Nəticədə o, hadisə yerində ölüb.

Faktla bağlı araşdırma aparılır.