Yuxarı
    Bağlamaq

    Cəlilabadda yanacaqdaşıyan maşın qəzaya düşüb, 4 nəfər yaralanıb

    Qəzanın hansı səbəbdən baş verməsi araşdırmalardan sonra məlum olacaq

    Cəlilabad. 27 fevral. REPORT.AZ/ Cəlilabadda 4 nəfərin yaralanması ilə nəticələnən yol qəzası baş verib.

    “Report”un Aran bürosuxəbər verir ki, hadisə Ələt- Astara magistralının Cəlilabad rayonundan keçən hissəsində qeydə alınıb. 

    Belə ki, Cəlilabad rayon Maşlıq kənd sakini Nazim Qasımovun idarə etdiyi “VAZ-2107” markalı avtomobil Astara istiqamətində hərəkət edərkən qarşı tərəfdən gələn yanacaqdaşıyan qoşqulu yük avtomobili ilə toqquşub. 

    Nəticədə sürücü də daxil olmaqla minik maşınında olan sərnişinlər - Ceyhun Nəsirov, Könül və İradə Nəsirovalar müxtəlif dərəcəli bədən xəsarətləri ilə Cəlilabad Rayon Mərkəzi Xəstəxanasına çatdırılıblar. Xəstələrin vəziyyəti orta-ağır kimi qiymətləndirilir.

    Qəzanın hansı səbəbdən baş verməsi araşdırmalardan sonra məlum olacaq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi