Cəlilabadda şəxsi təsərrüfatlardan heyvanlar oğurlanıb

Cəlilabad. 10 fevral. REPORT.AZ/ Cəlilabadda vətəndaşlara məxsus təsərrüfatdan iribuynuzlu heyvanlar və atlar oğurlanıb. 

“Report”un Aran bürosu xəbər veri ki, hadisə rayonun Uzuntəpə kəndində qeydə alınıb. 

Kənd sakini İlqar Qarayevə məxsus fərdi təsərrüfata daxil olan naməlum şəxs və yaxud şəxslər oradan bir baş iribuynuzlu heyvanı oğurlayıb. Təsərrüfat sahibi isə hadisədən səhər saatlarında xəbər tutub.

Bu, İlqar Qarayevin təsərüfatında ilk hadisə deyil. Belə ki, bir müddət əvvəl də onun təsərrüfatından bir baş inək oğurlanıb. Analoji hadisə kənd sakinləri Asif Əliyev və Şəmsəddin Kərimovun da başına gəlib. Axşam satlarında isə onların təsərrüfatından atları oğurlanıb. 

Hər 3 faktla bağlı Cəliabad Rayon Polis Şöbəsinə məlumat verilib. Oğruların tapılması istiqamətində axtarışlar davam etdirilir.