Yuxarı
    Bağlamaq

    Cəlilabadda Mişarçay su anbarında suyun səviyyəsi qalxıb, bəzi evlər su altında qalıb

    Bəndlərin uçulmasının qarşısını almaq məqsədilə əraziyə müxtəlif təyinatlı texnikalar cəlb edilib

    Cəlilabad. 26 oktyabr. REPORT.AZ/ Son günlər Cəlilabad rayonunda intensiv yağan yağışlar bu gün daha da güclənib. 

    “Report”un Aran bürosu xəbər verir ki, nəticədə rayonun mərkəzindən keçən Mişarçayın üzərindəki sututarda suyun səviyyəsi maksimum həddə çatıb. Bu da yaxınlıqdakı ərazilər üçün təhlükə yaradıb. Ona görə də bəndlərin uçulmasının qarşısını almaq məqsədilə həmin əraziyə müxtəlif təyinatlı texnikalar cəlb edilib. Texnikalar vasitəsilə bəndlər daha da bərkidilir. Amma buna baxmayaraq, Mişarçayın yaxınlığındakı bir neçə obyekt suyun altında qalıb. Gediş-gəliş çətinləşib. Bu da sakinlərin narahatlığına səbəb olub.

    Yağışların intensiv yağması nəticəsində bəzi həyətlər su altında qalıb. Rayon fövqəladə hallar komisiyyasından verilən məlumata görə, hazırda Mişarçay su anbarı tam nəzarətdədir. Bəzi həyətlərə dolmuş sel-suların çəkilməsi istiqamətində lazımi tədbirlər görülür. Hələlik rayonda vəziyyət sabit olaraq qalır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi