Yuxarı

Cəlilabadda insident olub, polis xəbərdarlıq atəşi açıb

Cəlilabadda insident olub, polis xəbərdarlıq atəşi açıb

Hadisə Polis Şöbəsinin qarşısında baş verib

Cəlilabad. 7 noyabr. REPORT.AZ/ Cəlilabad Rayon Polis Şöbəsinin qarşısında insident olub.

“Report”un Aran bürosunun məlumatına görə, rayon sakinləri - 27 yaşlı Anar Əmirov və 26 yaşlı İlkin Qurbanov şöbənin yaxınlığında polis əməkdaşları ilə mübahisə edib.

Mübahisə zamanı həmin şəxslər polisləri təhqir edərək onların üzərinə bıçaqla hücum ediblər. Bu zaman polis əməkdaşlarından biri xidməti silahdan havaya atəş açmaq məcburiyyətində qalıb. Bundan sonra A.Əmirov və İ.Qurbanov saxlanılaraq polis şöbəsinə aparılıb.

Faktla bağlı Cəlilabad Rayon Prokurorluğunda araşdırma aparılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi