Cəlilabadda ferma yanıb, 29 baş mal-qara tələf olub

Cəlilabad rayonunda fermada yanğın olub.

"Report"un Muğan bürosunun məlumatına görə, hadisə rayonun Sərhədabad kəndində, Anar Qasımova məxsus təsərrüfatda qeydə alınıb.

Yanğın nəticəsində 29 baş iribuynuzlu mal-qara tələf olub və 6 ton ot yanıb.

Hadisə yerinə Fövqəladə Hallar Nazirliyinin Cəlilabad Yanğından Mühafizə Xidmətinin canlı qüvvəsi və texnikaları cəlb edilib.

Yanğın söndürülüb və genişlənməsinin qarşısı alınıb.

Faktla bağlı araşdırma aparılır.