Cəlilabadda avtomobil piyadanı vuraraq öldürüb

Bakı. 16 sentyabr. REPORT.AZ/ Cəlilabad rayonunda piyadanın ölümü ilə nəticələnən yol-nəqliyyat hadisəsi baş verib. "Report" xəbər verir ki, hadisə sentyabrın 15-də rayonun Göytəpə şəhəri ərazisində qeydə alınıb. 

Belə ki, rayon sakini Rafət Məmmədov idarə etdiyi "VAZ-21011" markalı avtomobillə yolu keçmək istəyən Göytəpə şəhər sakini Zakir Rəsulovu vurub. Ağır bədən xəsarətləri alan Z.Rəsulov xəstəxanaya aparılarkən yolda dünyasını dəyişib. 

Faktla bağlı Cəlilabad Rayon Polis Şöbəsi  tərəfindən araşdırma aparılır.