Yuxarı
    Bağlamaq

    Cəlilabadda 5 mərtəbəli yaşayış binasında yanğın baş verib, 3 nəfər təxliyyə olunub - FOTO

    Yanğının başvermə səbəbləri araşdırılır© Report.az

    Cəlilabad. 22 avqust. REPORT.AZ/ Cəlilabad rayonunda 5 mərtəbəli yaşayış binanın ikinci mərtəbəsində yanğın olub. 

    "Report”un Aran bürosunun məlumatına görə, hadisə bu gün səhər saatlarında rayonun Azərbaycan küçəsində Famiz Vəli oğlu Vəliyevə məxsus mənzildə qeydə alınıb. 

    Yanğın üç otaqlı evin otaqlarından birində başlayıb. Mənzildə kimsə olmadığından hadisədən ilk olaraq qonşular xəbər tutub və yanğınsöndürənlərə xəbər veriblər. Hadisə yerinə Fövqəladə Hallar Nazirliyinin (FHN) Dövlət Yanğından Mühafizə Xidmətinin Cəlilabad rayon Yanğından Mühafizə Hissəsinin canlı qüvvəsi və texnikası cəlb olunub. Yanğın söndürülüb. Ümumilikdə 12 kvadratmetrdən ibarət otaqlardan biri yanaraq yararsız hala düşüb.

    Binanın yuxarı mərtəbələrinə tüstü dolduğundan köməksiz vəziyyətdə qalan üç nəfər yanğınsöndürənlər tərəfindən təxliyyə olunub. 

    Yanğının başvermə səbəbləri araşdırılır. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi