Cəlilabadda 11 yaşlı uşağı maşın vuraraq ağır yaralayıb

Cəlilabad. 17 aprel. REPORT.AZ/ Günorta saatlarında Cəlilabad rayonunun Şiləvəngə kəndində piyadanın vurulması ilə nəticələnən yol qəzası baş verib.

"Report"un Cənub bürosu xəbər verir ki, İmanəli Əliyevin idarə etdiyi "VAZ-2106" markalı minik avtomobili rayonun 11 yaşlı Abışabad kənd sakini Hadıyev Nicat Rafiq oğlunu vurub.

Azyaşlı yaralı vəziyyətdə Cəlilabad Rayon Mərkəzi Xəstəxanasına çatdırılıb. Lakin vəziyyəti ağır olduğundan o, paytaxt xəstəxanalarından birinə göndərilib.

Faktla bağlı araşdırma aparılır.