Cəlilabad sakinindən narkotik vasitə götürülüb

Cəlilabad Rayon Polis Şöbəsinin (RPŞ) əməkdaşlarının daxil olmuş məlumat əsasında keçirdikləri əməliyyat tədbiri nəticəsində şəhər sakini R.Əliyev saxlanılıb.

Bu barədə "Report"un Muğan bürosuna DİN Mətbuat Xidmətindən məlumat verilib.

Şəxsi axtarış zamanı ondan 8 qramdan artıq heroin aşkar edilib. Davam etdirilən tədbirlərlə onun həyətyanı sahəsindən isə əlavə 1 kiloqram 960 qram tiryək götürülüb.