Yuxarı

​Cavid Hüseynovun ev dustaqlığına buraxılması üçün məhkəməyə müraciət olunacaq

Vəkil gələn həftə vəsatəti Səbail rayon Məhkəməsinə təqdim edəcək

Bakı. 8 sentyabr. REPORT.AZ/ “Qəbələ” klubunun sabiq kapitanı Cavid Hüseynov barəsində seçilmiş həbs qətimkan tədbirinin ev dustaqlığı ilə əvəz olunması üçün növbəti dəfə məhkəməyə vəsatətlə müraciət ediləcək.

Bu barədə “Report”a C.Hüseynovun vəkili Adəm Məmmədov məlumat verib.

Belə ki, A.Məmmədov özü gələn həftə vəsatəti Səbail rayon Məhkəməsinə təqdim edəcək.

Qeyd edək ki, daha əvvəl də Səbail rayon Məhkəməsində Cavid Hüseynov barəsində seçilmiş həbs qətimkan tədbirinin ev dustaqlığı ilə əvəz olunması üçün verilmiş vəsatətə baxılıb. Məhkəmə qərarına əsasən, C.Hüseynovun ev dustaqlığına buraxılması ilə bağlı vəsatət təmin olunmayıb. Daha sonra “Qəbələ” futbol klubunun sabiq kapitanı barəsində seçilmiş həbs qətimkan tədbirinin ev dustaqlığı ilə əvəz edilməsi vəsatətinin təmin olunmaması barədə Səbail rayon Məhkəməsinin qərarından verilmiş apelyasiya şikayətinə baxılıb. C.Hüseynovun apelyasiya şikayəti də təmin edilməyib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi