Yuxarı
    Bağlamaq

    ​“Bizim Market” şəbəkəsinin sahibinə qarşı dələduzluq etməkdə təqsirləndirilən şəxsin həbs müddəti uzadılıb

    Onun barəsində seçilmiş həbs qətimkan tədbirinin müddəti üç ay artırılıb

    Bakı. 2 may. REPORT.AZ/ Xətai Rayon Məhkəməsində “Bizim Market” şəbəkəsinin sahibi Rasim Salmanova qarşı dələduzluq etməkdə təqsirləndirilən Sahib Arif oğlu Quliyev barəsində seçilmiş həbs qətimkan tədbirinin müddətinin uzadılması ilə bağlı təqdimata baxılıb.

    Bu barədə “Report”a S.Quliyevin vəkili Vasif Mirzəyev məlumat verib.

    Vəkilin sözlərinə görə, istintaq orqanının verdiyi təqdimat təmin olunub və S.Quliyev barəsində seçilmiş həbs qətimkan tədbirinin müddəti üç ay artırılıb.

    Qeyd edək ki, S.Quliyev “Bizim Market” şəbəkəsinin sahibi Rasim Salmanovun 2015-ci il dekabr ayının 17-də Bakı Şəhər Baş Polis İdarəsinə verdiyi şikayət ərizəsi əsasında saxlanılaraq, barəsində dələduzluq maddəsi ilə cinayət işi başlanıb. R.Salmanovun şikayət ərizəsində qeyd edilir ki, S.Quliyev onun 2 milyon 116 min 300 manat pulunu dələduzluq yolu ilə ələ keçirib.

    Bu il fevral ayının 3-də Xətai Rayon Məhkəməsində S.Quliyev barəsində 3 ay müddətində həbs qətimkan tədbiri seçilib.

    O, Cinayət Məcəlləsinin 178.3.2-ci (dələduzluq, külli miqdarda ziyan vurmaqla törədildikdə) maddəsi ilə ittiham olunur.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi