Yuxarı

“Bizim Market” şəbəkəsinin sahibinə qarşı dələduzluq edən şəxs: "Marketin aylıq dövriyyəsi 7-8 milyon olsa da, 4 milyon kimi göstərilib"

“Bizim Market” şəbəkəsinin sahibinə qarşı dələduzluq edən şəxs: "Marketin aylıq dövriyyəsi 7-8 milyon olsa da, 4 milyon kimi göstərilib"

628

Məhkəmə prosesi hazırda davam edir

Bakı. 28 mart. REPORT.AZ/ Bu gün Bakı Ağır Cinayətlər Məhkəməsində “Bizim Market” şəbəkəsinin sahibi Rasim Salmanova qarşı dələduzluq etməkdə təqsirləndirilən Sahib Quliyev və onun anası Həcər Quliyevanın cinayət işi üzrə məhkəmənin növbəti iclası keçirilib.

"Report"un xəbərinə görə, hakim Səbuhi Əliyevin sədrliyi ilə keçirilən prosesdə təqsirləndirilən S.Quliyev sərbəst ifadə verib.

O, özünü qismən təqsirli bildiyini söyləyib. S.Quliyev “Bizim Market” şəbəkəsinin maliyyə işlərinə nəzarət edərkən vergidən yayınma hallarının oldğunu da ifadə edib: "Şəbəkəyə 10 market daxil olub. Marketin aylıq dövriyyəsi 7-8 milyon olsa da, 4 milyon kimi göstərilib".

S.Quliyev “Bizim Market” şəbəkəsinin bank hesabından 2 milyondan artıq pul götürdüyünü də etiraf edib. O, istintaq zamanı 200 min və 60 min dolları geri ödədiyini bildirib: "Rasim Salmanovun çirkli əməllərini görüb bunu özümə rəva bildim".

Məhkəmə prosesi hazırda davam edir.

Qeyd edək ki, S.Quliyev və H.Quliyeva “Bizim Market” şəbəkəsinin sahibi Rasim Salmanovun 2015-ci il dekabr ayının 17-də Bakı Şəhər Baş Polis İdarəsinə verdiyi şikayət ərizəsi əsasında saxlanılaraq, barələrində dələduzluq maddəsi ilə cinayət işi başlanıb. R.Salmanovun şikayət ərizəsində qeyd edib ki, hər iki şəxs onun 2 milyon 116 min 300 manat pulunu dələduzluq yolu ilə ələ keçiriblər. Ötən il fevral ayının 3-də Xətai Rayon Məhkəməsində S.Quliyev və onun anası barəsində 3 ay müddətində həbs qətimkan tədbiri seçilib. 

Daha sonra həbs qətimkan tədbirinin müddəti bir neçə dəfəf uzadılıb. Həmin şəxslər Cinayət Məcəlləsinin 178.3.2-ci (dələduzluq, külli miqdarda ziyan vurmaqla törədildikdə) maddəsi ilə ittiham olunurlar.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi