Yuxarı
    Bağlamaq

    Bir milyon manatdan çox dələduzluq etməkdə təqsirləndirilən şəxs məcburi müalicəyə göndərilib

    Hakim Azad Məcidovun sədrliyi ilə keçirilən prosesdə hökm oxunub

    Bakı. 21 iyun. REPORT.AZ/ Bu gün Bakı Ağır Cinayətlər Məhkəməsində dələduzluqda təqsirləndirilən Hicran Allahverdiyevanın cinayət işi üzrə məhkəmə prosesi başa çatıb. 

    "Report"un xəbərinə görə, hakim Azad Məcidovun sədrliyi ilə keçirilən prosesdə hökm oxunub.

    Məhkəmə H.Allahverdiyevanın cinayəti törədərkən anlaqsız vəziyyətdə olduğu qənaətinə gələrək, onun barəsində 1 saylı Respublika Psixatiriya Xəstəxanasında məcburi müalicə təyin edilib.

    İttiham aktına əsasən, H.Allahverdiyeva bir qrup vətəndaşın etibarından sui-istifadə edərək, onlara qarşı dələduzluq edib. O, şirkət yaratmaq adı ilə vətəndaşları aldadıb və onların külli miqdarda pulunu ələ keçirib.

    Cinayət işi üzrə 6 nəfər zərərçəkmiş şəxs qismində tanınıb. Onlara ümumilikdə 1 milyon 200 min manat miqdarında ziyan dəyib.

    H.Allahverdiyeva Cinayət Məcəlləsinin 178.3.2-ci (külli miqdarda ziyan vurmaqla dələduzluq törətmək) maddəsi ilə ittiham edilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi