Biləsuvarda qəzaya düşən motosiklet sürücüsü ölüb

Bakı. 16 dekabr. REPORT.AZ/ Biləsuvarda qəza zamanı yaralanan motosiklet sürücüsü ölüb.

"Report"un verdiyi xəbərə görə, dekabrın 13-də Biləsuvar şəhəri ərazisində rayon sakinləri Alim Allahverdiyevin idarə etdiyi "VAZ-2107" markalı avtomobillə Elşən Əbilovun idarə etdiyi "İJ" markalı motosiklet toqquşub. Nəticədə E.Əbilov və bir sərnişini xəstəxanaya yerləşdirilib. E.Əbilov dekabrın 15-də xəstəxanada ölüb.

Biləsuvar Rayon Polis Şöbəsi tərəfindən araşdırma aparılır.