Biləsuvar. 8 noyabr. REPORT.AZ/ Biləsuvar rayonunda piyadavurma hadisəsi baş verib.
"Report"un Aran bürosu xəbər verir ki, rayonun "Təyyarə meydanı" adlı yaşayış massivinin sakini 1967-ci il təvəllüdlü Həziyeva Arzu Xeyrulla qızı minik avtomobili tərəfindən vurulub.
Yaralı qadın Biləsuvar Rayon Mərkəzi Xəstəxanasına gətirilərək, Cərahiyyə şöbəsinə yerləşdirilib.
Faktla bağlı araşdırma aparılır.