Biləsuvarda gənc qadın dərman içərək intihara cəhd edib

Biləsuvar. 15 sentyabr. REPORT.AZ/ Biləsuvar şəhər sakini qəbul etdiyi dərmandan zəhərlənib.

"Report"un Aran bürosu xəbər verir ki, hadisə şəhərin M.Ə.Sabir küçəsində baş verib.

Həmin küçədə yaşayan 1985-ci il təvəllüdlü Orucova Xəyalə Mehman qızı qəbul etdiyi dərmandan zəhərlənib. O, Biləsuvar Rayon Mərkəzi Xəstəxanasına çatdırılıb və qadına ilkin tibbi yardım göstərilib.

Yaxınlarının dediyinə görə, 32 yaşlı qadın artıq dozada qəbul etdiyi dərmandan zəhərlənib.

Faktla bağlı araşdırma aparılır.