Yuxarı

​Biləsuvarda ağır yol qəzası baş verib, ölən və yaralananlar var

Yaralılar Salyan Rayon Mərkəzi Xəstəxanasına qaldırılıblar

Salyan. 14 may. REPORT.AZ/ Biləsuvarda 1 nəfər ölümü, 2 nəfərin yaralanması ilə nəticələnən ağır yol qəzası baş verib.

"Report" xəbər verir ki, hadisə Ələt-Astara magistral yolunun Biləsuvar rayonunun ərazisindən keçən hissəsində qeydə alınıb. 

Belə ki, “Ford” markalı yük maşını ilə “Pejo” markalı avtomobilin toqquşması nəticəsində ilkin məlumata görə 1 nəfər ölüb, 2 nəfər yaralanıb. 

Hadisə yerinə Fövqəladə Hallar Nazirliyinin əməkdaşları, Salyan və Biləsuvar rayonlarının təcili tibbi yardım maşınları cəlb olunub. Xilasedicilər tərəfindən avtomobildə sıxılıb qalmış meyit çıxarılaraq aidiyyəti üzrə təhvil verilib.

Ölən şəxs Biləsuvar rayon sakini, 56 yaşlı Kamal Müctəba oğlu Abdullayevdir. Yaralılar Salyan Rayon Mərkəzi Xəstəxanasına qaldırılıblar. 

Faktla bağlı Baş Dövlət Yol Polisi İdarəsinin İstintaq və təhqiqat şöbəsində araşdırma aparılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi