Yuxarı

​Biləsuvar sakini Salyanda bıçaqlanıb

27 yaşlı Samir Əliyev naməlum şəxs tərəfindən 3 bıçaq zərbəsi alıb

Bakı. 05 may. REPORT. AZ / Salyanda bıçaqlanma hadisəsi baş verib. “Report” xəbər verir ki, hadisə Salyan şəhəri Tale Davudzadə küçəsində qeydə alınıb. 

Belə ki, Biləsuvar rayonunun Ovçudərə kənd sakini, 27 yaşlı Samir Ziyafət oğlu Əliyev həmin ünvanda yaşayan bibisigilə qonaq gəlib. Axşam saatlarında naməlum şəxs tərəfindən sağ və sol kürək nahiyəsindən, sol körpücük altından 3 bıçaq zərbəsi alıb. Yaralı dərhal Salyan Mərkəzi Rayon Xəstəxanasına çatdırılıb. 

O, cərrahiyyə şöbəsinə qaldırılaraq əməliyyat olunub. Vəziyyətinin orta ağır olduğu bildirilir.

Faktla bağlı Salyan Rayon Polis Şöbəsində cinayət işi açılıb, araşdırma aparılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi