Bakı. 17 noyabr.
"Report"un xəbərinə görə, hakim Ramella Allahverdiyevanın sədrliyi ilə keçirilən prosesdə şahid qismində Sahibpaşa Əliabbasov ifadə verib.
O, həmin dövrdə "Azərbaycan Beynəlxalq Bankı" ASC-nin "Şamaxı" filialının müdiri vəzifəsində çalışdığını söyləyib. Bildirib ki, filila rəhbərlik etdiyi zaman kreditlər qanuni şəkildə verilib: "Problemli kreditlərlə bağlı istintaqda da bir neçə dəfə ifadə vermişəm. Ayrı-ayrı şəxslərin adına kreditlərin ayrılması və həmin pulların mənimsənilməsi hadisəsindən xəbərim olmayıb.
Ə.Əliabbasov qeyd edib ki, hazırda tutduğu vəzifədən öz ərizəsi ilə azad edilib.
Məhkəmədə adına 3 min manata qədər kreditlər ayrılmış şəxslər də dindirilib.
Şahid qismində tanınan və məhkəmənin bildirişlərinə məhəl qoymayan şəxslər barəsində məcburi gətirilmə qərarı çıxarılıb.
Daha sonra təqsirləndirilən Ə.Məmmədova vətəndaşlara dəymiş zərərin ödənilib-ödənilməməsi ilə bağlı sual verilib. O, hazırda maddi imkanının olmadığından zərərin qalan hissəsini ödəyə bilmədiyini bildirib.
Qeyd edək ki, "Azərbaycan Beynəlxalq Bankı" ASC-nin Şamaxı filialının direktoru olmuş Ə.Məmmədov Cinayət Məcəlləsinin 179.3.2-ci (mənimsəmə, külli miqdarda törədildikdə) maddəsi ilə ittiham edilir. Digər şəxslər də Bankın əməkdaşlarıdır.
Onlar barəsində həbs qətimkan tədbiri seçilməyib.