Yuxarı

​Beynəlxalq Banka 50 milyon dollar borcu olan iş adamı müalicə olunur

Ratmir Bəkirov hələ əməliyyat olunmayıb

Bakı. 7 dekabr. REPORT.AZ/ “Azərbaycan Beynəlxalq Bankı” ASC-dən kredit götürərək qaytarmamaqda günahlandırılan “City Developer” MMC-nin həbsdə olan direktoru Ratmir Bəkirov hazırda Penitensiar Xidmətin Müalicə Müəssisəsində müalicə olunur.

Bu barədə "Report"a R.Bəkirovun vəkili məlumat verib.

O bildirib ki, hüquqlarını müdafiə etdiyi şəxsin vəziyyəti normaldır, amma əməliyyata ehtiyacı var. Lakin hələlik əməliyyat olunmayıb.

Qeyd edək ki, R.Bəkirov noyabr ayının əvvəlində səhhətində yaranan problemə görə Penitensiar Xidmətin Müalicə Müəssisəsinə yerləşdirilib. Həmin ayın 20-də Nərimanov Rayon Məhkəməsində onun barəsində seçilmiş həbs qətimkan tədbirinin müddəti üç ay uzadılıb

O, fəaliyyətini dayandırmış “Simurq” klubunun prezidenti Anar Bəkirovun atasıdır.

Xatırladaq ki, R.Bəkirovun “Azərbaycan Beynəlxalq Bankı” ASC-yə təxminən 50 milyon dollar borcunun olduğu bildirilir. Onun barəsində Cinayət Məcəlləsinin 178.3.2 (dələduzluq, külli miqdarda ziyan vurmaqla törədildikdə) maddəsilə cinayət işi başlanıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi