Yuxarı
    Bağlamaq

    Beynəlxalq Bank işinə görə tutulmuş 5 iş adamı barəsində həbs qətimkan tədbirinin müddəti artırılıb

    İş adamları 1 saylı Bakı İstintaq Təcridxanasında saxlanılır

    İş adamları 1 saylı Bakı İstintaq Təcridxanasında saxlanılır

    Bakı. 19 noyabr. REPORT.AZ/ “Azərbaycan Beynəlxalq Bankı” ASC-dən kredit götürərək qaytarmamaqda günahlandırılan 5 iş adamı barəsində seçilmiş həbs qətimkan tədbirinin müddəti üç ay artırılıb. “Report”un əldə etdiyi məlumata görə, onlardan biri “Azərbaycan Consaltinq Qrup” MMC-nin rəhbəri Erhan Cavad Yavuzdur. Digərlərinin adları açıqlanmayıb.

    Həbs qətimkan tədbirinin müddətinin uzadılmasının səbəbi kimi onların əməllərinin ağırlığı, törətdiyi əməllərin xarakteri, ictimai təhlükəlilik dərəcəsi, cinayət materiallarını gizlətmə, saxtalaşdırma, cinayət əməllərini yenidən törətmə göstərilib.

    Onların hamısı 1 saylı Bakı İstintaq Təcridxanasında saxlanılır.

    Bu gün daha 4 iş adamı barəsində seçilmiş həbs qətimkan tədbiri müddətinin artırılması gözlənilir. Onlardan biri “City Devoloper” MMC-nin direktoru Ratmir Bəkirovdur.

    Qeyd edək ki, saxlanılan şəxslərin hər biri barəsində Cinayət Məcəlləsinin 178.3.2 (dələduzluq, külli miqdarda ziyan vurmaqla törədildikdə) maddəsi ilə cinayət işi başlanıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi