Beyləqanda mağazadan oğurluq edən şəxs saxlanıldı

Beyləqanda mağazada oğurluq hadisəsi baş verib.

Bu barədə "Report"a Daxili İşlər Nazirliyinin (DİN) Mətbuat Xidməti məlumat verib.

Belə ki, Beyləqan Rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində aprelin 17-də rayon ərazisindəki mağazaların birindən 1 560 manat dəyərində 5 ədəd mobil telefon, 1 ədəd səsgücləndirici və 1 ədəd qulaqcıq oğurlamaqda şübhəli bilinən rayon sakini D.Mürşüdov saxlanılıb.