Beyləqanda 36 yaşlı kişini elektrik cərəyanı vurub

Bakı. 17 sentyabr. REPORT.AZ/ Beyləqanda 36 yaşlı kişi elektrik cərəyanı vurması nəticəsində ölüb. "Report"un məlumatına görə, hadisə Dünyamalılar kəndində baş verib.

Belə ki, kəndin 36 yaşlı sakini Asif Quliyevi evdə naqillərdə təmir və bərpa işlər apararkən elektrik cərəyanı vurub.

Beyləqan Rayon Xəstəxanasına çatdırıldıqdan bir qədər sonra A.Quliyev ölüb.

Faktla bağlı Beyləqan rayon prokurorluğunda araşdırma aparılır.