Beyləqan sakini həmyerlisini bıçaqlayıb

Beyləqan rayonunda bıçaqlanma olub.

"Report"un yerli bürosu xəbər verir ki, hadisə iyulun 26-da rayonun Magistral küçəsində 1-ci Şahsevən kənd sakini R.Həsənov münaqişə zəminində bıçaqla həmkəndlisi E.Əliyarovun sifət və bədən nahiyələrinə çoxsaylı xəsarətlər yetirib. 

E.Əliyarov xəstəxanaya yerləşdirilib.

Beyləqan Rayon Polis Şöbəsinin əməkdaşlarının keçirdikləri əməliyyat tədbirləri nəticəsində R.Həsənov saxlanılıb.

Faktla əlaqədar Cinayət Məcəlləsinin müvafiq maddələri ilə cinayət işi başlanıb.