Yuxarı

​Bərdədə zəncirvari qəza baş verib - FOTO

Traktorla Mercedes markalı yük maşınları, o cümlədən, Ford markalı minik avtomobili toqquşub

Bakı. 14 sentyabr. REPORT.AZ/ Bərdədə rayonunda ağır yol-nəqliyyat hadisəsi baş verib. "Report"un məlumatına görə, hadisə Yevlax-Ağdam avtomobil yolunun üzərində yerləşən Bərdənin Əliyanlı kəndi ərazisində qeydə alınıb. Qəza zamanı Traktorla "Mercedes" markalı yük maşınları, o cümlədən, "Ford" markalı minik avtomobili toqquşub. 

Hadisə şahidlərinin sözlərinə görə, qəzada "Mercedes" markalı yük avtomobili Traktorun qoşqusundakı ot bağlayan mexanizmə, "Ford" markalı minik maşını isə yük avtomobilinə dəyib. Qəzada minik avtomobilinin sürücüsü Fərhad Məmmədov müxtəlif dərəcəli bədən xəsarətlərilə Bərdə Rayon Mərkəzi Xəstəxanasına çatdırılıb.

Faktla bağlı Bərdə Rayon Polis Şöbəsində araşdırma aparılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi