Bərdədə yanğın yanacaqdoldurma məntəqəsi üçün təhlükəli vəziyyət yaradıb - FOTO

Bərdə rayonunda yanacaqdoldurma məntəqəsi üçün təhlükəli vəziyyət yaranıb.

"Report" un Qarabağ mərkəzinin verdiyi məlumata görə, hadisə Güloğlular kəndində qeydə alınıb. 

Biçilmiş taxıl sahəsində, yanacaqdoldurma məntəqəsi yaxınlığında yanğın hadisəsi baş verib. Nəticədə alovun yanacaqdoldurma məntəqəsinə keçməsi təhlükəsi yaranıb.

Əraziyə Fövqəladə Hallar Nazirliyinin yanğından mühafizə xidmətinin əməkdaşları cəlb olunub. Alov yanğınsöndürənlərin müdaxiləsindən sonra ram edilib. Hadisənin hansı səbəbdən baş verməsi araşdırılır.