Bakı. 12 avqust. REPORT.AZ/ Bərdədə velosipedlə vurulan qadın hadisədən bir həftə sonra ölüb.
Daxili İşlər Nazirliyindən "Report"a verilən məlumata görə, avqustun 4-də saat 8 radələrində Bərdə şəhərində şəhər sakini Nicat Məmmədov idarə etdiyi velosipedlə yolu keçən həmyerlisi Əzizə Mehralıyevanı vurub.
Ə.Mehralıyevaya xəstəxanada ilkin tibbi yardım göstərildikdən sonra evə buraxılıb və avqustun 11-də evində ölüb.