Bakı. 15 mart. REPORT.AZ/ Bərdə rayonunun Qazqurdalı kəndində piyadanın ölümü ilə nəticələnən yol-nəqliyyat hadisəsi baş verib.
"Report" xəbər verir ki, hərəkətdə olan "VAZ-2107" markalı avtomobil yolu keçmək istəyən yaşlı qadını vurub.
Qəza nəticəsində 60 yaşlı rayon sakini Hüseynova Sona Əli qızı hadisə yerində ölüb.
Bərdə rayon Polis şöbəsinin əməkdaşları hadisə yerində araşdırma aparır.