Bakı. 30 mart. REPORT.AZ/ Bərdə rayonunda piyadanın ölümü ilə nəticələnən yol-nəqliyyat hadisəsi baş verib.
"Report" xəbər verir ki, hadisə martın 29-da rayonun Gəncə kəndində qeydə alınıb.
Belə ki, naməlum sürücünün idarə etdiyi "ZAZ" markalı avtomobillə yolu keçən Ağdam rayon sakini Məlahət Yusifova vurulub və nəticədə piyada hadisə yerində ölüb.
Bərdə Rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən Tərtər rayon sakini İsrail Vəlizadə tutulub.
Faktla bağlı araşdırma aparılır.