Yuxarı
    Bağlamaq

    Bərdədə oğurlanan maşın YPX avtomobili ilə toqquşub

    Maşını oğurlayan şəxs tutularaq istintaqa təhvil verilib

    Bərdə. 15 sentyabr. REPORT.AZ/ Bərdə rayonunda avtomobil oğurluğu hadisəsi baş verib.

    "Report"un Qarabağ bürosu xəbər verir ki, yerli sakin Namiq Məmmədov ona məxsus "VAZ 2107" markalı avtomobilin oğurlanması barədə polisə məlumat verib.

    Rayon Polis şöbəsi tərəfindən aparılan əməliyyat-axtarış tədbirləri nəticəsində qaçırılan avtomobilin yeri müəyyən edilib. Rayonun Heydər Əliyev prospektində avtomobil ilə hərəkətdə olan sürücü polisin "saxla!" əmrinə tabe olmayıb və qaçmaq istərkən Sənaye küçəsində Yol Patrul Xidmətinin BMW markalı maşınlarından birinə çırpılaraq dayanıb.

    Qəza zamanı hər iki avtomobilə ziyan dəyib. Maşını oğurlayan şəxs tutularaq istintaqa təhvil verilib.

    Faktla bağlı rayon Polis şöbəsində araşdırma aparılır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi