Bərdədə mal-qara oğurluğu ilə məşğul olan dəstə üzvləri tutulub

Bərdə. 25 dekabr. REPORT.AZ/ Bərdə rayonunda mal-qara oğurluğu ilə məşğul olan dəstə üzvləri tutulub

Bu barədə "Report"a DİN Mətbuat Xidmətinin Bərdə regional qrupundan  məlumat verilib. 

Bildirilib ki, Bərdə Rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində mal-qara oğurluğu ilə məşğul olan qrup üzvləri saxlanılıb.

Dekabrın 22-də RPŞ-yə müraciət edən bir nəfər rayon sakini iribuynuzlu ev heyvanlarının oğurlanması barədə məlumat verib. Polis əməkdaşları tərəfindənkeçiriləntəxirəsalınmaz əməliyyat-axtarış tədbirləri nəticəsindəcinayətin üstüaçılıb.Polisə müraciət etmiş şəxsin mal-qarasını oğurlamaqda şübhəli bilinənşəxslər saxlanılıblar. Araşdırmalarla onların Ağdam rayon sakinləri Coşqun Əliyev və Qəhrəman İsgəndərzadə olması müəyyən edilib.

Keçirilən tədbirlərlə C.Əliyev və Q.İsgəndərzadənin vətəndaşlara məxsus 4 baş iribuynuzlu mal-qaranı bazar ərazisindən oğurladıqları məlum olub. Dindirilmə zamanı onlar törətdikləri əməli etiraf ediblər.

Faktla bağlı cinayət işi açılıb, araşdırmalar aparılır.