Yuxarı
    Bağlamaq

    Bərdədə evdən külli miqdarda qızıl-zinət əşyaları oğurlanıb - FOTO

    Faktla bağlı araşdırmalar davam etdirilir

    Bərdə. 1 dekabr. REPORT.AZ/ Bərdə rayonunda oğurluq baş verib. 

    "Report"un Qarabağ bürosunun məlumatına görə, hadisə rayonun Pişəvəri küçəsində yaşayan Ramil Ələkbərova məxsus evdə qeydə alınıb.

    Belə ki, naməlum şəxs gecə saatlarında evə pəncərədən girib və oradan külli miqdarda qızıl-zinət əşyalarını oğurlayıb.

    Bərdə Rayon Polis Şöbəsinin (RPŞ) əməkdaşlarının keçirdiyi əməliyyat-axtarış tədbirləri zamanı oğurluqda şübhəli bilinən, rayon sakini 25 yaşlı Kənan Rafael oğlu Qasımzadə saxlanılıb.

    Araşdırmalar zamanı məlum olub ki, K.Qasımzadə R.Ələkbərovun mənzilindən oğurladığı 100 qrama yaxın qızıl-zinət əşyalarını qızıl alqı-satqısı ilə məşğul olan Arif Əmrahova 2 300 manata satıb. Oğurlanan qızıllar maddi sübut kimi geri götürülüb.

    Faktla bağlı Bərdə RPŞ-də araşdırmalar davam etdirilir. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi