Bərdədə avtomobilin işıqforu qırmızıda keçməsi qəzaya səbəb olub - FOTO

Bərdə. 26 oktyabr. REPORT.AZ/ Bərdədə bir nəfərin xəsarət alması ilə nəticələnən yol qəzası baş verib.

"Report"un Qarabağ bürosu xəbər verir ki, hadisə şəhərin Heydər Əliyev prospektində qeydə alınıb.

Qəza "Mercedes" və "Hundai" markalı avtomobillərin toqquşması nəticəsində baş verib. Hadisəyə "Hundai"nin işıqforun qırmızı işığında keçməsi səbəb olub. Qəzanı törədən sürücü xəsarət alıb. Yaralı xəstəxanaya yerləşdirilib.

Faktla bağlı araşdırma aparılır.