Bərdədə avtomobil Yevlax sakinini vuraraq xəsarət yetirib

Bərdə. 8 sentyabr. REPORT.AZ/ Bərdədə piyadanın vurulması ilə nəticələnən yol qəzası baş verib.

"Report"un Şirvan bürosu xəbər verir ki, hadisə rayonun Yeni Daşkənd kəndi yaxınlığında qeydə alınıb.

Toy mərasimindən evə qayıdan Yevlax rayon Tanrıqullar kənd sakini Ədalət Allahverdiyevi "VAZ-21011" markalı maşın vuraraq müxtəlif bədən xəsarətləri yetirib. Yaralı Mingəçevir şəhər Mərkəzi Xəstəxanasına yerləşdirilib.

Faktla bağlı araşdırma aparılır.