Bərdədə ağır qəza: 1 ölü

Bakı. 12 iyul. REPORT.AZ/ Bərdə rayonunda ölümlə nəticələnən yol qəzası baş verib.

"Report"un məlumatına görə, Orxan Qasimovun idarə etdiyi "Opel" markalı avtomobil yolu kecmək istəyən rayon sakini Həsən Ələkbərovu vurub. Hadisə zamanı ağır bədən xəsarətləri alan 23 yaşlı gəncin həyatını xilas etmək mümkün olmayıb.

Qəzadan sonra sürücü hadisə yerindən qaçsa da qısa müddət ərzində tutularaq istintaqa cəlb edilib.