Yuxarı
    Bağlamaq

    "Meyvəli" bazarının qarşısında piyadanı vuran avtobus sürücüsünün məhkəməsi başlayıb

    Bakı. 12 yanvar. REPORT.AZ/ Qaradağ Rayon Məhkəməsində ölümlə nəticələnən yol-nəqliyyat hadisəsi törətməkdə təqsirləndirilən Fərhad Ağayevin cinayət işi üzrə məhkəmə iclası başlayıb.

    "Report" xəbər verir ki, hakim Teymur Qurbanovun sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib.

    Məhkəmənin baxış iclası yanvarın 21-nə təyin edilib.

    Qeyd edək ki, hadisə ötən il Qaradağ rayonu ərazisində baş verib. Belə ki, həmin ərazinin Lökbatan-Xocasən yolunun "Meyvəli" bazarının qarşısından keçən hissəsində 1962-ci il təvəllüdü Ağayev Fərhad Əliqulu oğlu yolu keçməyə çalışan piyadanı vurub.

    Nəticədə 1986-cı il təvəllüdlü Süleyman Nəbiyev aldığı xəsarətlərdən hadisə yerində ölüb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi