Başına təkər düşən Lənkəran sakini ağır xəsarət alıb

Bakı. 1 may. REPORT.AZ/ Lənkəranda 41 yaşlı kişinin başına avtomobil təkəri düşüb.

"Report"un xəbərinə görə, hadisə Lənkəran rayonun Boladi kəndində qeydə alınıb.

Belə ki, 1976-ci il təvəllüdlü Musayev Teymur Kamil oğlu avtomobil təmir edərkən onun təkəri qəfildən çıxaraq baş nahiyəsinə düşüb.

T.Musayev ağır-kəllə beyin travması alaraq Bakıda xəstəxanaya yerləşdirilib.

Faktla bağlı araşdırma aparılır.