Baş Prokurorluq və DİN Bakıda bir ay əvvəl baş vermiş qətl hadisəsi ilə bağlı məlumat yayıb

Baş Prokurorluq və DİN Bakıda bir ay əvvəl baş vermiş qətl hadisəsi ilə bağlı məlumat yayıb Hazırda cinayət işi üzrə istintaq tədbirləri davam etdirilir
Hadisə
112
13 Mart , 2017 19:05
Baş Prokurorluq və DİN Bakıda bir ay əvvəl baş vermiş qətl hadisəsi ilə bağlı məlumat yayıb
Baş Prokuorluq

Bakı. 13 mart. REPORT.AZ/ Baş Prokurorluq və Daxili İşlər Nazirliyi fevralın 5-də Bakıda baş vermiş qətl hadisəsi ilə bağlı birgə məlumat yayıb. 

Baş Prokurorluğun mətbuat xidmətindən "Report"a verilən məlumata görə, daxili işlər və prokurorluq orqanları əməkdaşlarının peşəkarlıqla həyata keçirdikləri istintaq hərəkətləri və əməliyyat-axtarış tədbirləri nəticəsində paytaxtın Nərimanov rayonu ərazisində qeyri-aşkar şəraitdə törədilmiş qətlin üstü açılıb.

Belə ki, cari il fevralın 5-də saat 18 radələrində 1953-cü il təvəllüdlü Hüseynov Firudin Bağır oğlunun üzərində zorakılıq əlamətləri olan meyitinin yaşadığı mənzildə aşkar edilməsi barədə daxil olmuş məlumat əsasında prokurorluq və polis əməkdaşlarından ibarət istintaq-əməliyyat qrupu tərəfindən hadisə yerinə və meyitə məhkəmə-tibb ekspertinin işitirakı ilə baxış keçirilib, maddi sübutlar, əl-barmaq izləri götürülüb və digər zəruri təxirəsalınmaz prosessual hərəkətlər yerinə yetirilib.

Fakta görə rayon prokurorluğunda Cinayət Məcəlləsinin 120.1-ci (qəsdən öldürmə) maddəsi ilə cinayət işi başlanıb, müvafiq ekspertizalar təyin edilib.

Həyata keçirilmiş istintaq-əməliyyat tədbirləri nəticəsində cinayətin əvvəllər məhkum olunmuş Məmmədov Zakir Elxan oğlu tərəfindən törədilməsinə kifayət qədər əsaslı şübhələr yarandığından o, şübhəli şəxs qismində tutularaq istintaqa cəlb olunub.

Hazırda cinayət işi üzrə istintaq tədbirləri davam etdirilir.

Son xəbərlər

Orphus sistemi