Yuxarı

​Banka olan borca görə tutulmuş zaminin şikayəti təmin edilməyib

Qail Məmmədovun sədrliyi ilə keçirilən prosesdə qərar elan olunub

Bakı. 14 mart. REPORT.AZ/ Bu gün Bakı Apellyasiya Məhkəməsində bankdan kredit götürən şəxsin həbs edilən zamini Vahid Kərimov barəsində verilmiş apellyasiya şikayəti üzrə məhkəmə keçirilib.

Bu barədə "Report"a onun vəkili Əkrəm Həsənov məlumat verib.

Vəkilin sözlərinə görə, hakim Qail Məmmədovun sədrliyi keçirilən prosesdə qərar elan olunub. Qərara əsasən, apellyasiya şikayəti təmin edilməyib.

Qeyd edək ki, V.Kərimov "Rabitəbank"a 7 225,7 manat pul borcu olan bir vətəndaşın zaminidir. O, martın 11-də Səbail Rayon Məhkəməsinin qərarı ilə 10 gün müddətinə həbs edilib.

Vəkil Ə.Həsənov bildirib ki, V.Kərimovun 2 və 3 yaşında körpə uşaqları var: "Onun özü və həyat yoldaşı işləmirlər. Buna baxmayaraq, zamin olduğu borc üzrə birtəhər 200 manat tapıb ödəyib. Borclu və digər zaminlər isə heç nə ödəməyib, onları narahat edən də yoxdur. İcra məmurları girova da tutma yönətməyə tələsmir".

Vəkil qeyd edib ki, icra məmuru protokol tərtib edərək V.Kərimova qarşı inzibati xəta haqqında işin icraatına başlayıb: "Dərhal da Səbail Rayon Məhkəməsinin hakimi Rauf Əhmədov İnzibati Xətalar Məcəlləsinin 528.1-ci maddəsinə (Məhkəmə və digər orqanların qərarlarının icrası ilə əlaqədar icra məmurunun tələblərinin yerinə yetirilməməsi”) əsasən Vahid Kərimovu həbs edib".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi