Balaxanı poliqonundan silah-sursat tapılıb

Bakı. 22 dekabr. REPORT.AZ/ Balaxanı məişət tullantıları poliqonundan silah-sursat tapılıb. Daxili İşlər Nazirliyinin (DİN) mətbuat xidmətindən "Report"a verilən məlumata görə, Sabunçu Rayon Polis İdarəsinin (RPİ) 12-ci Polis Bölməsinin əməkdaşları tərəfindən “Təmiz şəhər” ASC-nin Balaxanı məişət tullantıları poliqonundan istifadəyə yararsız “Makarov” markalı tapança, pnevmatik tapança, süngü bıçaq, 198 ədəd müxtəlif çaplı patron və avtomat üçün patron darağı tapılıb.
Faktla bağlı araşdırma aparılır.